İnsanın gördüyü bütün işlərdə olduğu kimi, savaşda da psixoloji üstünlüyün önəmi böyükdür.

Axar.az xəbər verir ki, bunu politoloq Erkin Qədirli söyləyib. Onun sözlərinə görə, son döyüşlər Azərbaycan haqqında olan streotipləri məhv etdi:

"Son döyüşlərdə hamıya, özəlliklə xaricilərə, aydın oldu ki:

1. Ordumuz hücuma keçə və hücumda qalib gələ bilir;

2. Ermənilərin müdafiəsi heç də keçilməz deyil;

3. Xalqımız nəinki Qarabağı unudub, əksinə, xalqımızı tez bir zamanda birləşdirə, hərəkətə gətirə bilən tək məsələ Qarabağdır.

"Özəlliklə xaricilərə" ifadəsini ona görə yazdım ki, xarici ekspertlər, diplomatlar və siyasətçilər bizimlə görüşlərdə çox vaxt bu üç məsələnin əksini söyləyirdilər. Bundan sonra heç nə öncəki kimi olmayacaq".