NATO üzvlərinin fəaliyyəti - istər Azərbaycan, istərsə də Ermənistan istiqaməti üzrə - yalnız bir şeyə - Cənubi Qafqazı Rusiya ilə başqa bir qarşıdurma meydanına çevirməyə, region ölkələrini bir-birinə qarşı qoymağa, sonra isə hansısa formada mənfəət əldə etməyə yönəlib.

Axar.az əbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə erməni jurnalistin “Bakının Qərblə sıx əməkdaşlığı və Ukraynaya dəstəyi” ilə bağlı sualını cavablandırarkən deyib.

Mariya Zaxarova NATO ilə bərabər, AB-nin də Cənubi Qafqazda destruktiv fəaliyyəti ilə bağlı (çox güman, həm də Ermənistandakı AB missiyası nəzərdə tutulur – red.) suallara cavab verdiyini xatırladıb.

Onun sözlərinə görə, Rusiya tərəfi ondan çıxış edir ki, bu regionda qərarlar region ölkələri tərəfindən qəbul edilməlidir.