Axar.az
Yuxarı

Sərkisyan Xankəndindən pərt qayıtdı - Sosioloq

Ana səhifə Gündəm
12 Punto 14 Punto 16 Punto 18 Punto

Lavrovun İrəvanda verdiyi açıqlamalar Ermənistanda artan anti-Rusiya ovqatını yumşaltmaq üçündür. Bu açıqlamaların böyük bir qismini təbii saymaq və ciddiyə almamaq lazımdır.

Bu sözləri Axar.az-a açıqlamasında Taleh Şahsuvarlı deyib. Onun fikrincə, məsələnin kökünə varmaq üçün Ermənistanda anti-Rusiya ovqatının niyə güclənməsi, Lavrovun İrəvana gəldiyi günlərdə Kreml əleyhinə nədən aksiyalar keçirilməsi kimi suallara cavab tapmaq gərəkdir:

"İş ondadır ki, yaxın aylarda Ukrayna və Gürcüstan NATO ilə asossiativ saziş imzalayacaq. O da bəllidir ki, NATO dövləti olan Türkiyə ilə də Rusiyanın münasibətləri gərgindir. Bu sazişdən sonra NATO faktiki olaraq Qara dənizdə hakim mövqe əldə edəcək və Rusiyanı sıxışdıracaq. Vəziyyət bu şəkil aldığından Rusiyanın Azərbaycana marağı istər-istəməz artıb. Çünki Azərbaycan həm Türkiyə ilə yaxın müttəfiqdir, həm də GUAM formatında açar dövlətdir. İqtisadi, siyasi, hərbi gücümüzə görə heç bir halda Ermənistanla müqayisə oluna bilmərik, qat-qat üstünük. Azərbaycanın yerləşdiyi geopolitik bölgənin əhəmiyyətini də nəzərə alanda Rusiyada Ermənistanı qurban verməyə meyl yaranır".

Taleh Şahsuvarlının sözlərinə görə, hazırda həm Ermənistanın siyasi elitası, həm də ekspert dairələri çox ciddi depressiya içindədir və Lavrovun bağlı qapılar arxasındakı danışıqları bu depressiyasını daha da gücləndirəcək kimi görünür: "Azərbaycan ordusu aprelin əvvəlində çox peşəkar səviyyədə dörd günlük əks-həmlə əməliyyatları apardı. Bu əməliyyatlar Ermənistandakı "patriotik pafosu" darmadağın etdi, Sərkisyan rejiminin, obrazlı desək, dişini çəkdi. Ermənistan başa düşdü ki, Azərbaycan təkcə iqtisadi yox, həmçinin diplomatik baxımdan onu təcrid edib, hərbi bazalarına güvəndiyi, for-postu olduqları Rusiya üçün də əhəmiyyətlərini itiriblər. İndi "dördgünlük savaş" informasiya müstəvisində və diplomatik masalarda davam edir, Ermənistan hər baxımdan nokaut vəziyyətdədir".

Sosioloqun sözlərinə görə, Rusiya Ermənistanla istədiyi an, istədiyi şəkildə danışa, hara istəsə yönləndirə bilir. Ermənistanın siyasi elitasında bu günə qədər heç bir qüvvə Rusiyanın qorxusundan Qarabağla bağlı "güzəştsiz" mövqe tutacağını bəyan edə bilməyib:

"Bunun qarşılığında Paruyr Ayrikyan Rusiyanı "əclaf" adlandırıb. Bu həmin Ayrikyandır ki, dəfələrlə prezidentliyə namizəd olub və 2013-cü ildə çiynindən güllələnib. Əgər Ayrikyan və ya başqa biriləri prosesləri fərqli yönə çəkmək istəyərsə, keçən dəfə çiyninə dəyən güllənin bu dəfə alnına açılacağı istisna deyil. Eyni zamanda Ayrikyan İrəvan ermənilərinin təmsilçisidir və onunla "Qarabağ klanı" arasında, belə demək olarsa, zümrəvi düşmənçilik var".

Taleh Şahsuvarlı diqqəti Sərkisyanın Xankəndinə səfərinə çəkib: "Bu səfər əvvəlkilərdən çox fərqlənirdi. Depressiyaya uğramış Sərkisyanın aprelin əvvəlində məğlub edilmiş hərbi birləşmənin zabitlərinə və əsgərlərinə təsəlli medalları verməsi effektsiz gedişlər idi. Sərkisyan Xankəndinə hərbi xuntanın müdafiə gücünü hesablamağa gəlmişdi və Qarabağdan son dərəcə məyus qayıtdı. Çünki əsl gerçəkliyi başa düşmək zorunda qaldı. Gerçəklik isə budur ki, ermənilərin istehkam-müdafiə səngərləri ilə bağlı inandığı miflər apreldə dağıldı. Azərbaycan ordusunun peşəkar şəxsi heyətinin, müasir silahlarının və qələbə əzminin qarşısında yesir, qida və texniki vasitələr baxımından qıtlıq çəkən erməni əsgərləri səngərlərdən qaçmağa məhkumdur. Təsəvvür edin ki, erməni əsgərləri Qarabağda adi binokllarla belə təmin oluna bilmir. Fikir verin, Ermənistanda 2015-ci ilə qədər hərbi xərclər 4,2 dəfə, polisin xərcləri 13.7 dəfə artıb. Bu o deməkdir ki, son zamanlar Sərkisyan polisə etimad göstərir, ordu arxa plana keçib. Bu həm də o deməkdir ki, Ermənistanda Qarabağ erməniləri ilə yerlilər arasında qarşıdurma hər an kütləvi iğtişaşlara səbəb ola bilər. Çünki polisdə daha çox "Qarabağ klanı"nın nümayəndələri təmsil olunur ki, onlara daha çox vəsait ayırmaqla yerli ermənilərin ağzı-burnu əzilir".

"Apreldəki əks-əməliyyat göstərdi ki, əgər Ermənistan danışıqlarda qeyri-konstruktiv mövqe tutmağa davam edərsə və Azərbaycanın suverenliyi Qarabağda hərbi əməliyyatlar vasitəsi ilə bərpa olunarsa, o zaman Zəngəzurun da məsələsi gündəmə gələcək. Odur ki, Rusiyanın ən azı neytral qalacağı təqdirdə, Ermənistanın Azərbaycana qarşı ata biləcəyi heç bir addım yoxdur", - sosioloq proqnozlarını açıqlayıb.

Taleh Şahsuvarlı həmçinin qeyd edib ki, indi Ermənistan Rusiya kimi, Qərb üçün də lazımsız yükə çevrilib: "Ermənistan təcrid vəziyyətdədir, Azərbaycan isə bütün regional və geopolitik layihələrdə Qafqazın əsas təmsilçisidir. Praqmatik Qərb bizim mövqeyimizlə hesablaşmağa daha çox həvəslidir, nəinki dilənçi Ermənistanın ah-zarına qulaq asmağa. Odur ki, istər diplomatik danışıqlarda, istərsə də hərbi əməliyyatlarda Qərbdən Ermənistana ciddi dəstək verilməsi məntiqli olmayacaq. Ancaq heç bir güc - istər ABŞ olsun, istər Rusiya, istər Fransa və başqaları - xarici siyasətini səmimiyyət və ədalət anlayışı üzərində qurmur. Bir müddət Ermənistanın başını sığallamaqla öz maraqlarını maksimum təmin etməyə çalışacaqlar. Ancaq zaman faktoru da artıq öz sözünü deyir. Qarabağla bağlı mövcud status-kvo çox davam etməyəcək".

Tarix
2016.04.22 / 16:43
Müəllif
Axar.az
Şərhlər
Digər xəbərlər

GUAM XİN-in 37-ci iclasının protokolu qəbul edildi

Daha bir ölkədə Azərbaycan Evi açıldı

Səttar Möhbalıyevlə bağlı iddialara rəsmi - Cavab

Azərbaycanın qələbəsi bizim qələbəmizdir - Sancrani

Ermənistan irəliləyişin qarşısını almağa cəhd edir - XİN

Bayramov GUAM-ın 37-ci iclasında çıxış etdi

Ceyhun Bayramov ermənistanlı həmkarı ilə görüşə bilər

Şeyxdən Amiliyə: Şirdən yox, göyərçindən danışmalıyıq

İran səfiri Gorus-Qafan yoluna görə Qriqoryanla görüşdü

“Polonez” Ermənistan aviasiyasını iflic etdi – Alesin

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla