Türkiyənin Doğan xəbər agentliyi (DHA) Azərbaycan Ordusunun ermənilərdən azad etdiyi ərazilərdən reportaj hazırlayıb.

Axar.az xəbər verir ki, agentlik Azərbaycanın azad etdiyi bölgəyə və cəbhənin ən irəli nöqtəsinə gedərək gücləndirmə işlərini görüntüləyib.

"Aprelin əvvəlində Ermənistanla Azərbaycan arasında yaşanan qarşıdurmalardan sonra Dağlıq Qarabağda yeni status-kvo yaranıb. Azərbaycan ordusu 24 ildən sonra ilk dəfə erməni işğalındakı Qarabağda irəliləyərək yeni cəbhə yaradıb. Qarşıdurmalar Rusiyanın araya girməsi ilə bitsə də, bölgədə vəziyyət hələ də gərgindir", - reportajda qeyd olunub.

Xatırladaq ki, bundan öncə Türkiyənin NTV kanalı da sözügedən ərazidən reportaj hazırlamışdı.