Rusiya Prezidenti Vladimir Putin AZAL-a məxsus təyyarənin qəzaya uğraması ilə bağlı bəyanatla çıxış etməyi planlaşdırmır.

Axar.az xəbər verir ki, bu barədə jurnalistlərə Putinin mətbuat katibi Dmitri Peskov deyib.

Xatırladaq ki, AZAL-ın Bakı-Qroznı reysini həyata keçirən sərnişin təyyarəsi dekabrın 25-də Qroznı səmasında HHM sisteminin hədəfinə çevrilib və ciddi zədələnib. Rusiya ərazisində enişinə icazə verilmədiyindən Qazaxıstana istiqamət götürən təyyarə Aktau hava limanı yaxınlığında qəzaya uğrayıb. Təyyarədə olan 67 nəfərdən 38-i ölüb, 29-u sağ qalıb.

Qəza ilə bağlı yayılan ilkin hesabatda təyyarənn fiziki və texniki kənar müdaxilə nəticəsində qəzaya uğradığı təsdiqlənib.