Yuxarı

Valuyevin Azərbaycana girişinə qadağa qoyuldu - Rəsmi

Ana səhifə Gündəm
12 Punto 14 Punto 16 Punto 18 Punto

Rusiya Federasiyası Federal Məclisi Dövlət Dumasının Turizm komitəsinin sədrinin birinci müavini Nikolay Valuyevin Azərbaycan və xalqımız əleyhinə işlətdiyi təhqiramiz ifadələr, ölkəmizə qarşı təhdid xarakterli fikirləri tamamilə qəbuledilməzdir.

Axar.az xəbər verir ki, bu barədə Xarici İşlər Nazirliyinin mətbuat katibi Ayxan Hacızadə Rusiya Federasiyasının Dövlət Dumasının deputatının Azərbaycan əleyhinə fikirləri və ona qarşı atılacaq addımlar ilə bağlı suala cavabında deyib.

"Qeyd edilən deputatın ölkəmiz əleyhinə fikirləri ilə bağlı onun adı Azərbaycan Respublikasına girişi qadağan edilmiş şəxslərin siyahısına daxil edilib və onun ölkəmizə girişinə qadağa qoyulub.

Ümumilikdə, bildirmək istərdik ki, bu, Rusiya Dövlət Dumasının deputatlarının “arzuolunmaz şəxslər” siyahısına daxil edilməsi üzrə ilk hal deyil. Misal üçün qeyd edək ki, bundan əvvəl Azərbaycanın suverenliyi və ərazi bütövlüyünə qarşı fəaliyyət göstərən Rusiya Federasiyası Federal Məclisi Dövlət Dumasının MDB ilə iş Komitəsinin birinci müavini Konstantin Zatulin və Ailənin müdafiəsi komitəsinin sədrinin müavini Vitali Milonov da Azərbaycanda “arzuolunmaz şəxs” kimi müvafiq siyahıya daxil edilib.

Təəssüflə bildirmək istərdik ki, ölkəmizə qarşı fəaliyyət göstərən bütün bu deputatlar məhz Rusiyanın hakim Vahid Rusiya (Yedinaya Rossiya) Partiyasının üzvləridir.

Ölkəmizin suverenliyinə, ərazi bütövlüyünə, Azərbaycan xalqına qarşı fəaliyyət göstərən bu kimi şəxslərə qarşı ölkəmizin qanunvericiliyi çərçivəsində bundan sonra da müvafiq addımlar atılacaq", - məlumatda qeyd edilib.

Tarix
2025.02.10 / 14:30
Müəllif
Axar.az
Digər xəbərlər

Rusiyadan Azərbaycan və daha üç ölkəyə təklif...

Rusiyadan açıqlama: Azərbaycanla razılığa gəldik!

Liderlər mətbuata birgə bəyanatla çıxış etdilər - Foto

Üç türk ölkəsi liderlərinin iştirakı ilə sənədlər imzalandı

İlham Əliyevlə Berdiməhəmmədovun geniş tərkibdə görüşü oldu

Prezident: Bölgəmizdə yeni əməkdaşlıq formatı yaradılır

Mirziyayevdən Xəzərdəki yataqlarla bağlı təklif...

Bu, qardaş özbək xalqından çox böyük hədiyyədir - Prezident

Türkmənistan və Azərbaycan iki qardaş ölkə kimi...

Üç türk ölkəsi liderlərinin görüşü oldu - Foto

KULT
Xəbər xətti
  
  
  
Axar.az'da reklam Bağla
Reklam
Bize yazin Bağla