Rumıniyanın milli xəbər agentliyi AGERPRES 28 May – Respublika Günü münasibətilə iki məqalə dərc edib.

Axar.az xəbər verir ki, məqalələrdə Azərbaycan Respublikasının tarixindən bəhs olunur, Ermənistan-Azərbaycan, Dağlıq Qarabağ münaqişəsinə toxunulur, ölkəmizin enerji resursları və enerji layihələri barədə ətraflı məlumat verilir.

Azərbaycanın mədəniyyətindən və ləziz yeməklərindən də bəhs edildiyi yazılarda İçərişəhərin gözəlliyindən, Qız qalası, Şəki xanlarının sarayı kimi nadir tikililərdən söhbət açılır, ölkəmizin böyük turizm potensialına malik olduğu vurğulanır.

Məqalələrdə AGERPRES xəbər agentliyinin fotoarxivindən Bakını əks etdirən şəkillər də yerləşdirilib.