Bu, açıq-aydın Ermənistan və erməni xalqı üçün dəhşətli informasiya kampaniyasıdır.

Axar.az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova erməni kilsəsi ətrafında gedən prosesləri şərh edərkən deyib.

“Niyə? Çünki Ermənistanda cəmiyyəti parçalayır. Söhbət erməniləri həmişə birləşdirən və onlara çətin sınaqlardan, bəzən isə erməni xalqının başına gələn dəhşətli sınaqlardan sağ çıxmağa kömək edən şeylərdən gedir. İndi isə birdən-birə bu fundamental, danılmaz dəyərlər (iman, din, kilsə) süni şəkildə demək olar ki, mübahisə predmetinə çevrilir.

Bütün bunlar nədənsə Rusiya ilə bağlanır. Rusiyanın bununla nə əlaqəsi?

Daxili işlərlə bağlı suallar varsa, deməli, bu, daxili hekayədir. Amma burada hər şey qarışıb. Bir tərəfdən erməni kilsəsinin nümayəndələrinə qarşı iddialar səslənir, digər tərəfdən, Rusiyanın adı çəkilir - bunun Rusiyaya nə aidiyyəti?

Rusiya qardaş Ermənistanın sabitliyində səmimi olaraq maraqlıdır. Biz bu dövləti və bu xalqı sabit, firavan, davamlı inkişaf edən görmək istərdik”.