Feysbuk sosial şəbəkəsində fəaliyyətə başlayan “Grammar Azi” səhifəsi Azərbaycan dilinin qaydalarına riayət olunmasına diqqət çəkir.

Kult.az xəbər verir ki, bu barədə bəyanat yayan “Grammar Azi” səhifəsi addakı “Azi” sözünə də aydınlıq gətirib:

“İnternetdə “Grammar Nazi” (qrammatika nasisti və ya nasistləri) adlanan bir anlayış var. Adından da göründüyü kimi, burada əsas göstərici müxtəlif yazılarda qrammatik qaydalara riayət olunmasının tələb edilməsidir. Tələbin sərtliyi addakı “nasist” sözündən bilinir. Bizim səhifənin adında isə sözügedən anlayışdakı “nasist” (Nazi) sözü “Azi” (Azərbaycan dilinə işarə) ilə əvəz olunub”.

Qeyd edək ki, “Grammar Azi” səhifəsi mütəmadi olaraq, sosial şəbəkələrdə, mətbuatda, müxtəlif obyektlərin adlarında yol verilmiş dil qüsurlarının görüntülərini paylaşmaqla yanaşı, mübahisəli sözlərin düzgün yazılışı haqda da məlumat verir.