Qubada ağır yol-nəqliyyat hadisəsi baş verib.

Axar.az-ın APA-ya istinadla məlumatına görə, qəza rayonun Rustov kəndi ərazisində qeydə alınıb.

İlkin məlumata əsasən, VAZ-2107 markalı minik avtomobili yolun kənarında dayanmış “KamAZ” markalı yük avtomobilinə çırpılıb. Zərbənin təsirindən minik avtomobili yük avtomobilinin altına girib.

Hadisə zamanı avtomobildə ər-arvad və daha bir sərnişin olmaqla ümumilikdə üç nəfər olub.

Qəza nəticəsində sürücü və ön oturacaqda əyləşən sərnişin ağır bədən xəsarətləri alaraq xəstəxananın reanimasiya şöbəsinə yerləşdiriliblər. Həkimlər onların vəziyyətini ağır qiymətləndirir.

Arxa oturacaqda olan sərnişin isə müxtəlif dərəcəli yüngül xəsarətlər alıb.

Faktla bağlı araşdırma aparılır.