Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
8 Dekabr 2019


Anarın qəribə yuxusu: Sabitoğlunun qəfil ölümü... - 8 fakt

Ana səhifə Hadisə
12 Punto 14 Punto 16 Punto 18 Punto

Bu gün görkəmli bəstəkar, xalq artisti Emin Sabitoğlunun (1937-1994) anım günüdür.

Kult.az Emin Sabitoğlu ilə bağlı 8 maraqlı faktı təqdim edir:

1. Emin Sabitoğlu Azərbaycanın görkəmli dramaturqu Sabit Rəhmanın oğludur.

2. Anası İsmət xanım İrəvanski Azərbaycanın məşhur soylarından, İrəvan xanlarının nəslindəndir.

3. Bəstəkar iki dəfə ailə həyatı qurub. Birinci həyat yoldaşı Cəmilə xanımdan ayrıldıqdan sonra müğənni Xədicə Abbasova ilə evlənib.

4. Emin Sabitoğlunun birinci həyat yoldaşından Ceyran adlı bir qızı var. Xədicə Abbasova bir oğul dünyaya gətirsə də, uşaq çox yaşamayıb.

5. Emin Sabiroğlunun özünəməxsus yumoru olub. Rəsmilərin iştirak etdiyi bir toplantıya gələndə milislərin necə ora-bura vurnuxduğunu görən Emin onlardan birinə yanaşır. Ağlına gələn bir soyadı - Kərimovu soruşur. Soruşur ki, yoldaş Kərimov gəlib? Milis maddım-maddım ona baxanda Emin Sabitoğlu eyni ciddiliklə “Gözdə-qulaqda olun, indilərdə gələcək” deyib uzaqlaşır. Milislər də bu müəmmalı “göstərişi” bir-birilərinə yetirirlər.

6. Mərhum xalq şairi Vaqif Səmədoğlu Eminin öz ölümünü sanki hiss etdiyini deyib:

“Emini dostları arasında son görən mən oldum. Onu evə qədər yola saldım. Sağollaşarkən qəfil döndü və əlini qaldıraraq, “Vaqulya” deyə qışqırdı. Ondan heç vaxt bu hərəkəti görməmişdim. Sonra evə qayıtdım. Səhəri gün öyrəndim ki, Emin ölüb. Uzun müddət şokdan çıxa bilmədim”.

7. Xalq yazıçısı Anar Emin Sabitoğlunun ölüm anını yuxuda gördüyünü bildirib:

“Emin Sabitoğlunun atası Sabit Rəhmanın yubileyinə hazırlaşırdıq. Emindən ayrılıb evə getdim. Bir az televizora baxdıqdan sonra yatdım. Yuxuda gördüm ki, Emin vəfat edib. Səhər yuxudan ayılanda gördüm, həyat yoldaşım telefonla danışır. Həmin an bildim... Sonra yoldaşım dedi ki, Emin Sabitoğlu vəfat edib”.

8. Mərhum bəstəkarın həyat yoldaşı Xədicə Abbasova son görüşlərini belə xatırlayır:

“Atası Sabit Rəhmanın yubileyinə görə Türkiyədən Azərbaycana gələcəkdik. Dedim ki, getmə, gözlə 5 gün, sonra birlikdə gedərik. Mənimlə dalaşdı, əlini stola çırpıb, “gedəcəm, vəssalam” dedi. İşdən mənə icazə verilmədiyi üçün tez gələ bilmədim. O, noyabrın 12-də gəldi. Hətta hava limanında bir-birimizdən heç ayrılmaq istəmirdik. Sanki hiss etmişdik ki, bu, sonuncu görüşdü. Dəfələrlə dönüb bir-birimizə baxdıq. Noyabrın 17-si sonuncu dəfə gecə saat 01:00-da onunla telefonda danışdım. Mənim üçün gül bağlatdırdığını dedi. Amma qismət olmadı, 3 saat sonra dünyasını dəyişdi”.

Tarix
2019.11.18 / 15:37
Müəllif
Aqşin
Şərhlər
Digər xəbərlər

DİN açıqladı: Bir gündə 33 şübhəli şəxs saxlanıldı

Milli Məclisin deputatı vəfat etdi

Şəmkirdəki dəhşətli qəzanın təfərrüatı

Nizaminin "Xəmsə"si təqdim edildi

Xalq artistinin vəziyyəti ilə bağlı yeni xəbər

Mehdi zühur etməyəcək - Qalmaqallı açıqlama

Nəsiminin Hələbdəki məzarı təmir olundu - Foto

Dillər Universitetinə yeni rektor “təyin edildi” - 1 günlük

Məktəbli alternativ Nobel mükafatına layiq görüldü

Vilayət Quliyevdən sabiq nazirə ittiham: Oğru, çapovulçu!

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla