20:47

Bakının Binəqədi rayonunda baş verən yanğınla bağlı rəsmi açıqlama verilib.

Hadisə ilə bağlı Axar.az-a açıqlama verən Fövqəladə Hallar Nazirliyinin mətbuat katibi Gülçin Mehdiyeva bildirib ki, yanğın paytaxtın Binəqədi rayonunda baş verib:

“Binəqədi rayon, 7-ci mikrorayonda yerləşən "Sobsan" boya fabrikində yanğın baş verib. Bununla bağlı Fövqəladə Hallar Nazirliyinin 112 qaynar xəttinə məlumat daxil olub. Dərhal əraziyə nazirliyin müvafiq qüvvələri cəlb olunub”.

***

Bakı şəhəri, Binəqədi rayonu ərazisində yerləşən “Sobsan” boya fabrikində baş vermiş yanğının söndürülməsi istiqamətində Fövqəladə Hallar Nazirliyi tərəfindən təxirəsalınmaz tədbirlər davam etdirilir.

Yanğının söndürülməsi tədbirləri ilə yanaşı, fabrikdə, eləcə də onun anbarında salamat qalmış mal-materialların Nazirliyin müvafiq qüvvələri tərəfindən ərazidən kənarlaşdırılması işləri həyata keçirilir.