21:25

Gürcüstanın azərbaycanlıların yığcam yaşadıqları Marneuli rayonunun mərkəzində beşmərtəbəli binada uçqun olub.

Axar.az xəbər verir ki, 5-ci mərtəbədəki mənzilin eyvanının uçması nəticəsində 4-cü mərtəbədəki eyvan da dağılıb.

Hadisə zamanı 40 yaşlı qadın ölüb, iki nəfər isə xəsarət alıb. Yaralananlardan biri hamilə qadındır. Onlar xəstəxanaya çatdırılıb.

Yaralananlardan digəri 8 yaşlı uşaqdır. Çoxsaylı sınıqları olduğundan uşağın Tiflisdəki klinikalardan birinə köçürülməsinə qərar verilib.

Əraziyə polis və xilasedicilər cəlb olunub.

***

Marneulidə yaşayış binasında eyvan uçqunu nəticəsində ölənlərin sayı ikiyə çatıb.

Hadisə zamanı xəsarət alan hamilə qadın xəstəxanada dünyasını dəyişib.

Yerli sakinlərin sözlərinə görə, uçquna səbəb binanın qəzalı vəziyyətdə olmasıdır.