Fransız aktyor Jerar Depardye iki qadına qarşı "cinsi aqressiya" ittihamı ilə məhkəməyə çıxarılıb. Prokuror onun 18 ay şərti həbsə məhkum edilməsini, 20 min avro cərimə ödəməsini və cinsi cinayətkarlar reyestrinə daxil edilməsini tələb edib.

Kult.az xəbər verir ki, məlumatı Fransa mediası yayıb.

Məhkəmə prosesi zamanı ittiham tərəfi Depardyeni nüfuzundan sui-istifadə edən şəxs kimi təqdim edib və ondan ümumilikdə 77 500 avro kompensasiya tələb edib.

Aktyor isə iddiaları rədd edərək, yalnız iş münaqişələri səbəbindən sərt davrandığını bildirib.

“Bu, zorakılıq deyil, sadəcə sərt tənqiddir. Mən qadınlara metroda toxunanlardan deyiləm”, – deyə Depardye vurğulayıb.

Depardyenin hüquqi problemləri bununla bitmir. Onu başqa bir qadına qarşı cinsi zorakılıq və vergidən yayınma ilə bağlı yeni araşdırmalar da gözləyir.

Qeyd edək ki, məhkəmə hökmü mayın 13-də elan olunacaq.