Azərbaycanda futbolçularına ən böyük məbləğdə əmək haqqı ödəyən klublar məlum olub.

Axar.az Fed.az-a istinadla xəbər verir ki, bunlar Ağdamın “Qarabağ”, “Neftçi” və “Sabah” klublarıdır. 2024-cü ilin nəticələrinə görə, əmək haqqına ən çox vəsait ayıran klub “Qarabağ” Futbol Klubudur. 2024-cü ildə klub əmək haqqına 20 milyon 648 min manat xərcləyib.

İkinci sırada “Neftçi” qərarlaşır. Klubun 2024-cü ildə əmək haqqı üçün ayırdığı vəsait 20 milyon 264 min manat olub. “Neftçi” heyətini gücləndirmək və rəqabət qabiliyyətini artırmaq üçün maaş büdcəsini genişləndirib.

Üçüncü yerdə olan “Sabah” FK isə əmək haqqına 14 milyon 57 min manat ayırıb.