Ana səhifə İdman |
Milli komandamızın kapitanı Rəşad Sadıqov DÇ-2018-in seçmə mərhələsində Norveçi 1:0 hesabı ilə məğlub etdikləri görüşdən sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb.
Axar.az millimizin kapitanının müsahibəsini təqdim edir:
- Tarixi qələbə qazandınız...
- Oyun gözlədiyimiz kimi başlamadı. Erkən qol vurduq. İlk 15
dəqiqədə ehtiyatlı olub, sonra öz oyunumuzu oynamaq planımız var
idi. Erkən qol bizi daha da ehtiyatlı oynamağa vadar etdi. Qoldan
sonra rəqibimiz daha da hücuma atıldı ki, biz oyunumuzu müdafiədən
qurmağa məcbur olduq. Əsas odu ki, komanda sona qədər vuruşdu, heç
kim qorxmadı, heç kim çəkinmədi. Rəqibin heyətində səviyyəli
futbolçuların sayı çox idi. Əsas odur ki, sona qədər dözdük və
qələbə qazandıq. Albaniya, İslandiya kimi ölkələr bizə nümunədi ki,
döyüşə-döyüşə, yaxşı mübarizə aparırlar. Bu gün də bizə üç xal
lazım idi və bunu da mübarizə sayəsində qazandıq.
- İkinci qola yaxın idiniz...
- İmkanlarımız var idi. Əsas üç xaldı ki, onu da qazandıq.
- Qarşıda Çexiya ilə çətin oyun var.
- Ən böyük problem olacaq ki, üç gün sonra oynayacağıq. Özünüz
də bilirsiniz ki, əvvəlki oyunlarda bizdə problemlər olmuşdu. Böyük
ehtimalla məşqçilər də bu barədə düşünürlər. Yəqin məşqçimizin də
atdığı addımlar olacaq. Biz də əlimizdən gələni edəcəyik ki, oyuna
hazır olaq.
- İlk hissədə epizodların birində zədə aldın. Deyəsən, baş
məşqçi səni əvəzləmək istəyirdi, ancaq sən
istəmədin...
- Bir az ağrılarım oldu. Ancaq zədə önəmli deyil. Oynamışıq,
başa vurmuşuq və bundan şikayət etmək istəmirəm.
- Ramil Şeydayevin oyununu necə
dəyərləndirirsən?
- Şeydayev oyuna çox fəal girdi. Həttta qol epizodları da var
idi. O, bu gün öz ustalığını göstərdi. Bu, bizim üçün sevindirici
haldı.
- Səncə, Şeydayevdə çatışmayan cəhət nədi?
- Onun yaşını nəzərə almaq lazımdı. Fikirləşirəm ki, Şeydayev
gələcəkdə bizim üçün çox önəmli futbolçulardan biri olacaq.
- Stadionda ot örtüyü hansı durumda idi?
- Çox ağır idi. Bilirdik ki, yeni ot örtüyüdü və belə ağır olacaq. Həqiqətən ağır oldu. Çox şükür ki, bu durum qol vurmağımıza mane olmadı.
Tarix
2016.10.09 / 01:45
|
Müəllif
Axar.az
|