Türkiyənin “Fənərbağça” klubunun baş məşqçisi İsmayıl Qartal istefa verib.

Axar.az xəbər verir ki, 65 yaşlı mütəxəssis qərarını UEFA Çempionlar Liqasının əsas mərhələsinin ilk turunda İstanbulda İtaliyanın "Roma" komandası ilə 1-1 hesablı heç-heçə etdikləri oyundan sonra keçirilən mətbuat konfransında açıqlayıb.

O, bir daha qayıtmamaq şərti ilə vəzifəsindən ayrıldığını açıqlayıb.

Klubun prezidenti Əziz Yıldırım isə xəbəri təkzib edib, onun işinin başında olduğunu söyləyib.

Qeyd edək ki, İsmayıl Qartal cari mövsümün əvvəlində "Fənərbağça"nın sükanı arxasına keçmişdi. Təcrübəli mütəxəssis 2014-2015, 2022, 2023-2024-cü illərdə də İstanbul klubuna başçılıq edib.