Axar.az
Yuxarı

“Zirə” “Qalatasaray”a rəqib olur?

Ana səhifə İdman
12 Punto 14 Punto 16 Punto 18 Punto

Türkiyə nəhəngləri “Qalatasaray” və “Fənərbaxça” Azərbaycana gələ bilər.

APA-nın məlumatına görə, İstanbul təmsilçilərinin yoxlama görüşü üçün yox, Avrokubok çərçivəsində ölkəmizə səfəri mümkündü.

Belə ki, Türkiyə kubokunu “Konyaspor”un qazanması “Fənərbaxça” və “Qalatasaray”ın Avropa arenasındakı iştirakına böyük zərbə olub. Məsələ burasındadı ki, finalda “Başakşəhər”ə qalib gələn “Konyaspor” Avropa Liqasının birbaşa qrup mərhələsindən mübarizəyə qoşulmaq şansı əldə edib.

Bu amil Türkiyə Superliqasında 3 və 4-cü yeri tutacaq komandaların müvafiq olaraq, III və II təsnifat mərhələsindən yarışa başlamalarına yol açıb. Çempionatda isə sona 1 tur qalmış hər iki komandanın xalı eynidi və “Fənərbaxça” həm top fərqində, həm də şəxsi oyunlarda rəqibini qabaqlayır. Son turda autsayder “Adanaspor”la qarşılaşacaq “sarı-lacivərdlilər”in büdrəməsi möcüzəyə bərabər sayılır. Bu isə “Qalatasaray”ın mövsümü 4-cü pillədə başa vurması və Avropa Liqasında mübarizəyə II təsnifat mərhələsindən başlaması ilə nəticələnəcək.

Hadisələr bu cür cərəyan edərsə, “sarı-qırmızılılar”ın bu mərhələdəki potensial rəqiblərindən biri də “Zirə” ola bilər. Bunun üçün təmsilçimiz I mərhələdəki sınaqdan üzüağ çıxmalıdı. Səpələnmişlərdə yer alacaq “Zirə” nisbətən zəif rəqiblə qarşılaşacaq ki, bu da bakılıların yoluna davam etmək şansını artırır. Ayxan Abbasovun komandası bunu bacarsa, II mərhələdə səpələnməmişlərdə qərarlaşacaq və rəqiblərindən biri də Superliqanı 4-cü sırada tamamlayacaq komanda (“Fənərbaxça” və ya “Qalatasaray”) olacaq.

Avropa Liqasındakı digər komandalarımız “İnter” (I mərhələni adlayarsa) və “Qəbələ” isə Türkiyə nəhənglərinə II mərhələdə rəqib ola bilməz. Çünki onlar da türklər kimi, güclülərin sırasında qərarlaşacaq. “Qəbələ” və “İnter” III mərhələyə qədər irəliləyə bilsələr, o zaman “Qalatasaray” və ya “Fənərbaxça”nı ölkəmizə gətirmək şansları yarana bilər.

Qeyd edək ki, Avropa Liqasında ilk iki mərhələnin püşkatması iyunun 19-da baş tutacaq. I mərhələnin oyunları 29 iyun – 6 iyulda, II mərhələnin matçları isə 13-20 iyul tarixlərində keçiriləcək.

Tarix
2017.06.02 / 23:52
Müəllif
Axar.az
Şərhlər
Memorial Zefer
Digər xəbərlər

Çempionlar Liqasının finalı bu topla oynanılacaq

Şəhriyar Məmmədyarov mübarizəni dayandırdı

Birlikdə oynadığım ən yaxşı üç futbolçu... - Qurbanov

Gənclikdəki səhvlərimi etməsəydim… - Qurbanov

Azərbaycan atleti qızıl medal qazandı

“Xarıbülbül" uğrunda qaydasız döyüş - Foto

Rəsul Çunayev başqa ölkənin bayrağını "seçir"

"Milan" 11 ildən sonra İtaliya çempionu oldu

“Mançester Siti” səkkizqat İngiltərə çempionu oldu

Şəhriyar ardıcıl üç turda qələbə qazandı

KULT
<>
Xəbər xətti
Axar.az'da reklam Bağla
Reklam
Bize yazin Bağla