“Qarabağ” bu gün Avstriya toplanışı çərçivəsində sonuncu yoxlama oyununa çıxacaq.

APA-nın məlumatına görə, ağdamlılar Danimarkanın “Brondbü” komandası ilə qarşılaşacaqlar.

Yay təlim-məşq toplanışını Avstriyanın Tirol bölgəsində keçirən Azərbaycan çempionu bu oyun üçün Zalsburqa yollanacaq. Çempionlar Liqasının II təsnifat mərhələsində Gürcüstanın “Samtredia” klubu ilə üz-üzə gələcək “Qarabağ” bu qarşılaşma ilə birlikdə Avropadakı hazırlıqlarını yekunlaşdıracaq.

Qeyd edək ki, ağdamlılar bundan öncə keçirdiyi 3 hazırlıq matçında da uduzub. Təmsilçimiz Rusiya Premyer Liqa klubu “Axmat”a 0:1, Bolqarıstan MOİK-inə 2:5, digər Rusiya klubu “Dinamo”ya isə 0:1 hesabı ilə məğlub olub.