Trabzonsporlular "Fənərbaxça" komandasının "Ədalətə fənər yandır" kampaniyası çərçivəsində çəkdiyi filmdə rol aldığına görə Cem Yılmazın 2 oktyabrda ekranlara çıxacaq filmini izləməyəcək.

Axar.az xəbər verir ki, Trabzonsporlular Cem Yılmaza etiraz etmək üçün kampaniya başladıb. "Fənərbaxça" ilə çətin mübarizəyə girişən Qara dəniz futbol klubunun tərəfdarları Cem Yılmaza qarşı cəbhə alıb.

Cem Yılmazın oktyabrın 2-də ekranlara çıxacaq yeni filmi "Çox yaxında"nı ("Pek yakında") izləməmək üçün kampaniya başladan trabzonsporlular "Cem Yılmazı izləmə, izlətdirmə" şüarı ilə təşkilatlanır. Boykota qalatasaraylı tərəfdarlar da dəstək verərək "Siz təkcə bir cəbhəyə aid olmamalısınız" deyirlər. Boykota görə filmin Trabzonda kinoteatrlarda nümayişi belə sual altına düşüb.