Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
27 İyun 2019


Qurban Qurbanov o istedadı qovdurdu - Açıqlama

Ana səhifə İdman
12 Punto 14 Punto 16 Punto 18 Punto

İdman yazarı Natiq Muxtarlının Azərbaycan futbolunun hazırkı vəziyyəti ilə bağlı Axar.az-a müsahibəsi:

- Natiq müəllim, ötən gün Azərbaycan millisinin Slovakiyaya 5-1 hesablı məğlubiyyəti cəmiyyətdə ciddi narazılıq yaradıb. Azərbaycanda futbolçu yetişməməsinin səbəbləri barədə fikir bildirənlərdən biri də sizsiniz. Hansı səbəblərdir bunlar?

- “Qarabağ”ın U-13 komandasında Vüqar Bağırov adlı bir uşaq vardı. Olduqca istedadlı idi. Hamı ondan danışırdı. Ona “Qarabağlı qarabala” da deyirlər. Onunla bağlı "Futbol+" qəzetində də material getmişdi. Bu uşaqda gələcəkdə yaxşı futbolçu olmaq üçün bütün xüsusiyyətlər mövcuddur. Qalırdı yaxşı klubda yaxşı məşqçilərin nəzarəti altında inkişaf etməsi…

- Bəs nə baş verdi? Futboldan uzaqlaşdı?

- Əksinə, hazırda daha peşəkar şəkildə futbolla məşğul olur. Sadəcə indi o uşaq “Qarabağ”da deyil. Nə baş veribsə, “Qarabağ”ın məşqçisi Araz Bağırov başlayıb bu istedadı sıxışdırmağa, incitməyə. Soruşanda da deyib ki, mən onu indi sındırmasam, məşqçisini tanımaz. 2017-ci ildə “Qarabağ” Gürcüstanda –“Saburtalo” ilə beynəlxalq turnirdə çıxış edərkən gürcülər bu uşağı bəyəniblər, onu komandaya dəvət ediblər. Ancaq klubun cavabı “yox” olub.

Bütün bu məlumatları Vüqarın valideyni Elnarə Bağırova özü deyib. Bundan sonra valideyni Vüqarı götürərək, üz tutub Gürcüstana. “Saburtalo”da onu dərhal akademiyaya qəbul ediblər və yer də ayırıblar. Orada qala bilməsi üçün valideyninə də iş veriblər.

- Natiq bəy, belə faktlar çoxdurmu?

- Əlbəttə. Təxminən bir il əvvəl də “Qarabağ”da oynayan çox istedadlı bir uşağın valideyni mənə müraciət etmişdi. Bildirmişdi ki, komandanın U-15 komandasına yeni məşqçi təyin edilib. O da özü ilə bir neçə uşaq gətirib. Onlara yer etmək üçün komandanın liderlərindən qurtulmağı lazım bilib, başlayıb onları sıxışdırmağa. Bununla bağlı yazdım. Güman etdim ki, “Qarabağ”da məsələni araşdırarlar, heç bir təhsili olmayan, heç vaxt da futbol oynamayan yeni məşqçinin hoqqalarına münasibət bildirərlər. Bildirdilər də - uşağı məşqlərdən uzaqlaşdırdılar.

- Bəs həmin uşaq indi haradadır?

- Uşaq məşqlərdən uzaqlaşdırılan vaxt “Qarabağ”ın əsas komandası xaricdə təlim-məşq toplanışında idi. Uşağın valideyninə klubdan deyiblər ki, Qurban Qurbanov zəng edərək o uşağın komandadan uzaqlaşdırılmasını tələb edib. Sonradan öyrəndim ki, həmin təhsilsiz məşqçi Qurban Qurbanovun dostunun oğludur.

Mən həmin uşağın adını da qeyd edə bilərəm. Bəli, hazırda məşqlərə davam edir. Ancaq başqa klubda. Uşağın adını çəkmək istəməməyimə səbəb də məhz bununla bağlıdır. Onun adını çəksəm, hazırda çalışdığı klubdan da qovdura bilərlər onu.

- Bu hal yəqin ki, təkcə “Qarabağ” klubu daxilində baş vermir…

- Təbii ki. Bu gün bütün klublarımızda vəziyyət belədir. Çox təəssüf ki, bütün futbol təsərrüfatında durum budur. Məhz elə bu səbəblərdən “Qarabağ”da, ümumilikdə isə Azərbaycanda futbolçu yetişmir. Azərbaycanda futbolçu yetişməməsinin daha 99 səbəbi var. Qeyd etdiklərin sadəcə səbəblərdən biridir.

Tarix
2019.06.12 / 13:57
Müəllif
Nigar İxtiyarqızı
Şərhlər
loading...
Digər xəbərlər

Minsk-2019: Üç qadın güləşçimiz yarımfinalda

Dənizli azərbaycanlılara söz verdi - Video

“Kapital Bank”ın dəstəyi: “Yay Futbol Düşərgəsi” keçirilir

Cəmaləddin bürünc medal qazandı - Minsk-2019

Erməniləri məğlub edən Əliyev: Hərbçilərimizə həsr edirəm

Azərbaycan ilk qızılını qazandı – “Minsk 2019”

Hacı Əliyev yarımfinalda: Erməni ilə görüşəcək

Boksçumuz Alaverdiyanı məğlub etdi, lakin...

Beşqat dünya çempionuna hökm oxundu

Azərbaycanda mövsümün 10 ən yaxşı qolu açıqlandı - Video

KULT
<>
Xəbər xətti
 
e-vetendash
  
  
  
  
  
  
  
  
  
Axar.az'da reklam Bağla
Reklam
Bize yazin Bağla