Bu gecə Avropa Liqasında 1/16 finalın cavab oyunlarına start veriləcək.

Axar.az-ın məlumatına görə, 1/16 finalın ilk iki oyunu Rusiyada baş tutacaq. Moskvada "Dinamo" "Anderlext"i, Peterburqda isə "Zenit" PSV-ni qəbul edəcək. Hər iki oyun Bakı vaxtı ilə saat 21:00-da başlayacaq.

Türkiyə klublarından "Beşiktaş" evdə "Liverpul"u sınağa çəkəcək. "Qara qartal" doğma meydanda ilk görüşdəki 0:1 hesablı məğlubiyyətin əvəzini çıxmağa çalışacaq. "Trabzonspor" klubu isə İtaliyaya səfər edəcək. İlk görüşdə "Napoli"yə 0:4 hesabı ilə uduzan Trabzon təmsilçisi üçün bu oyun formal xarakteri daşıyır.

"Qarabağ"la eyni qrupda mübarizə aparmış "Dnepr" klubu Yunanıstanda "Olimpiakos"un qonağı olacaq. İlk görüşdə rəqibinə 2:0 hesabı ilə qalib gələn Ukrayna təmsilçisi səfərdə bu üstünlüyünü qorumağa çalışacaq.

"Dinamo Kiyev" isə Fransada 1:2 məğlub olduğu "Genqam" üzərində mütləq qələbə qazanmalıdır. F qrupunu qalib başa vuran "İnter" isə evdə "Seltik"lə münasibətlərinə aydınlıq gətirəcək. Bu komandalar arasında Şotlandiyada baş tutmuş oyunda 3:3 hesablı bərabərlik qeydə alınıb.

"Dinamo" (Moskva, Rusiya) - "Anderlext" (Belçika)

(İlk oyun - 0:0)

"Zenit" (Rusiya) - PSV (Hollandiya)

(İlk oyun - 1:0)

"Borussiya" (Münhenqladbax, Almaniya) - "Sevilya" (İspaniya)

(İlk oyun – 0:1)

"Beşiktaş" (Türkiyə) - "Liverpul" (İngiltərə)

(İlk oyun - 0:1)

"Dinamo" (Kiyev, Ukrayna) - "Genqam" (Fransa)

(İlk oyun – 1:2)

"Fiorentina" (İtaliya) - "Tottenhem" (İngiltərə)

(İlk oyun - 1:1)

"İnter" (İtaliya) - "Seltik" (Şotlandiya)

(İlk oyun - 3:3)

"Legiya" (Polşa) - "Ayaks" (Hollandiya)

(İlk oyun – 0:1)

"Zalsburq" (Avstriya) - "Vilyareal" (İspaniya)

(İlk oyun – 1:2)

"Atletik" (Bilbao, İspaniya) - "Torino" (İtaliya)

(İlk oyun – 2:2)

"Brügge" (Belçika) - "Olborq" (Danimarka)

(İlk oyun – 3:1)

"Everton" (İngiltərə) - "Yanq Boyz" (İsveçrə)

(İlk oyun – 4:1)

"Feyenoord" (Hollandiya) - "Roma" (İtaliya)

(İlk oyun – 1:1)

"Napoli" (İtaliya) - "Trabzonspor" (Türkiyə)

(İlk oyun – 4:0)

"Olimpiakos" (Yunanıstan) - "Dnepr" (Ukrayna)

(İlk oyun – 0:2)

"Sportinq" (Portuqaliya) - "Volfsburq" (Almaniya)

(İlk oyun – 0:2)