Rusiya ordusu Liman yaxınlığında mühasirəyə düşüb.

Axar.az xəbər verir ki, bu barədə Ukrayna Teleqram kanalları məlumat yayıb.

Məlumata görə, Ukraynanın aylarla davam edən əks-hücumlarından sonra bu sektordakı cəbhə xətti ruslar üçün sözün əsl mənasında çökməyə başlayıb. Ukrayna ordusu köhnə müdafiə xəttini yararaq, rusların arxa cəbhəsinin dərinliklərinə doğru irəliləyib və bəzi Rusiya bölmələrini təchizat xətlərindən təcrid edib.

OSİNT analitiki Kleman Molen, “Rochan Consulting” və ABŞ-ın Müharibənin Öyrənilməsi İnstitutunun qiymətləndirmələrinə görə, Rusiya təxminən 240 km² ərazini itirib və şimaldan Slavyansk-Kramatorsk aqlomerasiyasına təzyiq göstərməyi planlaşdırdığı platsdarmı faktiki olaraq əldən verib.

Rusiyalı hərbi analitik Valeri Şiryayev də bildirib ki, Şandriqolovo rayonundakı Rusiya hərbi bölmələri faktiki olaraq mühasirəyə alınıblar.