Milli komandamızın baş məşqçisi Robert Prosineçki Apasport.az-a geniş müsahibə verib.

Xorvat mütəxəssis deyib ki, artıq 5 aydır Azərbaycandadır və futbolçuların hamısının bacarığına bələd olub:
"Dəvət edəcəyim futbolçuları böyük ölçüdə müəyyənləşdirmişəm. 23-24 futbolçuya dəvət göndərəcəyəm. Elə bir ciddi narahatlığım yoxdur. Futbolçuları və komandamı tanıyıram, onlardan razıyam. Fevraldakı toplanışdan fərqli olaraq bu dəfə ölkə xaricində legioner həyatı yaşayan futbolçular da yığmanın düşərgəsində olacaq. Belədə komanda daha güclü təsir bağışlayacaq. Malta ilə görüşə klublarında 80 faiz oynayanlar dəvət alacaq. Mənim üçün futbolçunun hazırkı durumu daha vacibdir. Əvvəlki xidmətlərinə görə kimisi komandaya götürmək düzgün deyil. Seçim zamanı da bunu nəzərə alacağıq. Kim hazırdırsa, ona da dəvət göndərəcəyik".
Prosineçkinin fikrincə, rəqibimiz zəif komanda deyil:

"Onlara qarşı oynamaq çətin olacaq. Ancaq əlimizdən gələnin ən yaxşısını edəcəyik".