21:30

Millimiz Malta ilə oyunda irəlidədir. Qarşılaşmanın 4-cü dəqiqəsində Cavid Hüseynovun vurduğu qol komandamızı önə keçirib.

Axar.az xəbər verir ki, oyunda ərazi üstünlüyü yığma komandamızdadır. Bu qarşılaşmada Azərbaycan tsikldə ilk qələbəsini qazana bilər. Qrupda 4 oyun keçirən yığmamızın aktivində hələ ki, xal yoxdur.

Xatırladaq ki, oyun saat 21:00-da T.Bəhramov adına Respublika stadionunda başlayıb. Millimiz xorvatiyalı baş məşqçi Robert Prosineçkinin başçılığı altında ilk oyununa çıxıb.

21:50

İlk hissə millimizin 1:0 hesablı qələbəsi ilə başa çatdı.

22:55

Millimiz Avro-2016 seçmə oyunlarında ilk qələbəsini qazanıb. Malta ilə görüşün son dəqiqələrində Dmitri Nazarovun vurduğu möhtəşəm qol yığmamıza 2:0 hesablı qələbə qazandırıb. ilk qolu isə Cavid Hüseynov qapıdan keçirib.