İşğaldan azad edilmiş Ağdamda infrastruktur işləri başa çatdıqdan sonra biz “Qarabağ” klubu olaraq evimizə qayıdacağıq.

Bu sözləri Axar.az-a “Qarabağ” futbol klubunun mətbuat xidmətinin rəhbəri Nurlan İbrahimov gələcəkdə komandanın ev oyunlarını harada keçirəcəyi ilə bağlı danışarkən deyib.

O bildirib ki, klub heyəti ev oyunlarını Ağdamda keçirmək istəyir:

“Biz Ağdamda oynamaq istəyirik, klub olaraq bu, bizim bütün oyunlarda əsas şüarımızdır – evimizə qayıtmaq istəyirik. Lakin bilirsiniz ki, hazırda orada infrastruktur tamamilə dağılıb. Ağdamda ciddi bərpa işləri aparılacaq. “Qarabağ” klubu şərait tam uyğun olduğu zaman ev oyunlarını böyük məmnuniyyətlə Ağdamda keçirmək istəyər”.