"Neftçi"nin Müşahidə Şurasının sədri Çingiz Abdullayev klubun rəsmi saytına müsahibə verib.

Axar.az-ın məlumatına görə, təlim-məşq toplantısı zamanı komandanın hazırlığını və MTK klubu ilə keçirilmiş yoxlama matçını izləyən Ç. Abdullayev klubun gələcək hədəflərindən də danışıb.

Ç.Abdullayevin fikrincə, o legionerlərə elə böyük həvəs göstərmir və komandaya cavanları cəlb etmək lazımdır:

"Biz 5 ildən sonranı fikirləşməliyik. Biz gələcəyi düşünürük. Ancaq "Neftçi" Azərbaycanın əfsanəsidir. Bizə olmaz ki, 4-cü yeri qazanaq, bu biabırçılıqdır. "Neftçi" hər zaman birinci yer uğrunda mübarizə aparmalıdır".

Avropa Liqasında Monteneqronun "Mladost" klubu ilə qarşılaşacaq paytaxt komandasının şanslarını yazıçı belə dəyərləndirib:

"Albaniya və ya İrlandiya komandaları düşsəydi, daha yaxşı olardı. Monteneqro ciddi rəqibdir. Ancaq inanıram ki, biz onları keçə bilərik".