Axar.az
Yuxarı

Bu klubu FİFA-ya şikayət edəcəm – Azərbaycanlı futbolçu

Ana səhifə İdman
12 Punto 14 Punto 16 Punto 18 Punto

Böyük məyusluqla qeyd etməliyəm ki, "Əl-Əyn" klubu mənə göndərdiyi məktubla transferdən imtina etdiklərini bildirib. İyunun əvvəlində "Əl-Əyn"lə iyulun 1-dən qüvvəyə minəcək razılaşma imzalamışdıq.

Axar.az xəbər verir ki, bu fikirləri "Sabah"dan ayrılan Azərbaycan millisinin futbolçusu Bəhlul Mustafazadə Birləşmiş Ərəb Əmirliklərinin "Əl-Əyn" klubuna keçidinin alınmaması barədə İnstaqramdakı şəxsi hesabında yazıb.

24 yaşlı müdafiəçi bildirib ki, o, razılaşmaya əsasən, Əbu-Dabiyə gedib tibbi yoxlanışdan keçməli idi: "Amma müqavilənin başlama vaxtının yaxınlaşmasına baxmayaraq, klub tərəfindən heç bir əlaqə saxlanılmırdı. Təmsilçilərimin müraciətləri zamanı isə "Əl-Əyn" mənim viza və tibbi baxış ilə əlaqəli məsələlərimi həll etməyi hər dəfə müxtəlif daxili problemlərə əsaslanaraq uzadırdı. Doğrusu, yaranmış vəziyyətin səbəbini anlaya bilmirdim. Əgər klub fikrini dəyişibsə, bunu mənə açıqca bildirməli, qəribə bəhanələrlə vaxtı uzatmamalı idi. Yaranmış vəziyyətin nəticəsində mən mövsümöncəsi hazırlıq dövrünü keçə bilmədim, üstəlik, qısa zaman ərzində yeni komanda tapmaq məcburiyyətində idim. "Əl-Əyn"in məsuliyyətsiz davranışları ilə əlaqədar hüquqi şəxslərlə məsləhətləşdim və qanunlara əsasən aydın oldu ki, imzalanmış ilkin müqavilə hüquqi qüvvəyə malikdir. "Əl-Əyn" tibbi yoxlanışdan keçməməyi əsas gətirib, bu müqaviləni ləğv edə bilməz, çünki yoxlanışı təşkil etmək klubun öhdəliyində idi və bizim çoxsaylı müraciətlərimizə baxmayaraq, bunu həyata keçirmədilər. Ümid edirəm ki, həyatımda ilk və son dəfə belə bir vəziyyətlə qarşılaşdım".

Mustafazadənin sözlərinə görə, "Əl-Əyn"in hərəkətləri FIFA reqlamentinə ziddir və ədaləti bərpa etmək üçün sona qədər haqqını müdafiə edəcək: "Ən qısa zamanda FIFA-ya şikayət edərək, karyerama vurulan zərərə görə ən sərt cəzaların verilməsini tələb edəcəm. Yaranmış vəziyyətə aydınlıq gətirməyi özümə borc bildim və bir daha bu xoşagəlməz mövzuya qayıdılmasını istəməzdim".

Tarix
2021.07.28 / 00:37
Müəllif
Axar.az
Şərhlər
Digər xəbərlər

Azərbaycan-İrlandiya oyununun biletləri satışda

Mahir Emreli Polşa çempionatında ilk qolunu vurdu

Azərbaycan bodibildinqçisi tarixi uğura imza atdı

"Neftçi" "Keşlə"ni darmadağın etdi

Namiq Ələsgərovun komandası baş məşqçi ilə vidalaşdı

Türkiyə yığmasına baş məşqçi təyin edildi

Bataqlıqda keçirilən dalğıc yarışı – Foto

Dünya çempionu prezidentliyə namizəd olacaq

Məşhur ingilis futbolçu vəfat etdi

"Qəbələ" darmadağınla qalib gəldi, "Zirə"dən bərabərlik

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla