"Qarabağ"ın rəqibi "Yanq Boyz"un baş məşqçisi gözlənilmədən istefa verib.

Axar.az-ın APA-ya istinadən məlumatına görə, Bern təmsilçisi Uli Forte ilə yollarını ayırıb.

UEFA Çempionlar Liqasının III təsnifat mərhələsində "Monako"ya hər iki görüşdə məğlub olan "Yanq Boyz" Avropa Liqasına yuvarlanmışdı. Məhz bu məğlubiyyət baş məşqçinin istefasına səbəb olub.

Klubun idman direktoru Fredi Bikel bildirib ki, "Qarabağ"la matça qədər yeni çalışdırıcılarını müəyyənləşdirəcəklər:

"Qarşıda "Qarabağ"la ağır oyunlarımız var. Hələlik komandanı Fortenin köməkçisi Harald Qamperle çalışdıracaq".

"Qarabağ"ın "Yanq Boyz"la oyunları avqustun 20-də və 27-də baş tutacaq.