"Fənərbaxça"nın "Şaxtyor Donetsk"dən aldığı məğlubiyyətin üzüntüsü qısa çəkib.

Axar.az türk mətbuatına istinadən xəbər verir ki, hücumçular Sou, Van Persi və Fernandaonun arasında olan məzəli dialoq klub üzvlərini sevindirib.

Məşqdən sonra Sou ilə Fernandao kimin daha çox qol vuracağı ilə bağlı mübahisə edib. Sou "Bu il özümü yaxşı hiss edirəm. Çoxlu sayda qol vuracam", – deyib.

Fernandao isə "Mən 24 qol vurmağa söz vermişəm. Deməli, sən ən azı 25 qol vurmalısan", – deyə əlavə edib.

Söhbətə qoşulan Van Persi tərəfləri arxada qoyub:

"İkiniz də nə qədər istəyirsiniz, o qədər qol vurun. Amma bu komandanın ən çox qol atan oyunçusu mən olacam. Siz mənim qollarımın sayını keçə bilməyəcəksiniz".

Dialoq sonunda legionerlər gülüşərək bir-birilərinə uğur arzulayıblar.