Şükürlər olsun ki, Allah üzümüzü qara çıxarmadı. Övladlarımı təbrik edirəm.

Axar.az xəbər verir ki, bu açıqlama ilə Türkiyə millisinin baş məşqçisi Fatih Terim çıxış edib.

62 yaşlı mütəxəssis İslandiya üzərində 1:0 hesablı qələbəni belə şərh edib:

"Pley-of haqda düşünürdük. Artıq Avropa çempionatının püşkü bizi gözləyəcək. Heç vaxt iddialarımızdan əl çəkmədik. Komanda azlıqda qalsa belə, mübarizə apardıq".

Terim əlavə edib ki, Ankarada baş vermiş terror hadisəsi üzündən çox da sevinə bilməyiblər:

"Kaş bir övladımız da ölməzdi, eybi yox, heç biz də Avropa çempionatına getməzdik. Dünya çempionatına da getməzdik. Bunlar bir canın yanında nədir ki... İnsan canı gedərsə, gəlməz, amma çempionluqlar gələr. Bütün qazandığımız qələbələri terrorda dünyasını dəyişənlərə ithaf edirik".