Görünən kəndə nə bələdçi? "Neftçi"nin durumu göz qabağındadır. Ancaq bu gün "Neftçi"də başqa baş məşqçi və məşqçilər var. Buna görə də komandanın nəticələrinə onlar cavab verməlidirlər.

Axar.az xəbər verir ki, bu sözləri AFFA Məşqçilər Komitəsinin üzvü Böyükağa Hacıyev deyib. "Neftçi"nin sabiq çalışdırıcısı "Qol.az"a bildirib ki, sabiq komandasının bu vəziyyətə düşəcəyini əvvəlcədən proqnozlaşdırırdı:

"Mənim çalışdığım dövrdəki "Neftçi" ilə indiki "Neftçi" arasındakı fərqi görürsünüz. Bu gün kiminsə bostanına daş atmaq istəmirəm. İndi o klubda Əsgər Abdullayev, Vəli Qasımov və Səməd Qurbanov kimi şəxslər çalışır. Onlarda da futbolu az bilmir".

B.Hacıyev qeyd edib ki, çıxış yolunu bilsə də, deməz: "Özləri bilərlər. O dövrdə demişdim ki, mən "Neftçi"dən gedəndən 5-6 ay sonra klubun vəziyyətinə bir yerdə baxarıq. Nə demişəmsə, hamısı zamanla olacaq".