Döyüşümü izləməyi istəmədiyim insan anamdır.

Axar.az xəbər verir ki, bunu "Qəbələ" İdman Klubunun üzvü, boksçu Fariz Məmmədov brifinqdə deyib.

İdmançı bildirib ki, bunun üçün kluba müraciət edib: "Çünki hamının evdə anası var. Anam da yaşlıdır, həyəcanlanır. Həyəcanlansa, özünə gətirmək üçün aylarla vaxt lazım olacaq. Amma qələbə elə mükəmməldir ki, bütün həyəcanın əvəzini artıqlaması ilə verir".

F.Məmmədov qeyd edib ki, 7 illik fasilədən sonra keçirdiyi ilk döyüş yaddaşlardan silinə bilməz: "Erməni boksçusuna qarşı döyüşmüşdüm. Döyüş həyəcanlı, gərgin olsa da, psixoloji durumum mükəmməl idi".

Qeyd edək ki boskçu fevralın 6-da peşəkar boks tariximizdə ilk dəfə olaraq VBF (World Boxing Federation) və VBCA versiyalarında dünya çempionluğu uğrunda döyüşə çıxacaq. Boksçumuz Uqanda təmsilçisi Badru Lusambia ilə qarşılaşacaq.