Ana səhifə İdman |
Püşk gözlədiyimizdən də çətin oldu. Hətta dördüncü səbətdən gələn rəqibləri belə zəif saymaq olmaz.
Bu sözləri Axar.az-a açıqlamasında idman eksperti Kənan Məstəliyev UEFA Avropa Liqasının Liqa mərhələsində "Qarabağ"ın rəqibləri ilə bağlı danışarkən deyib.
“Səfərə gedəcəyimiz komandalar da nəhəng komandalardır. "Tottenhem", "Olimpiakos"un hər ikisi ilə “Qarabağ” səfərdə oynayıb, birini udub, birinə uduzub. “Qarabağ”ın heyətində zədələr olmasa, tam gücü ilə rəqibə qarşı oynaya bilsə, növbəti mərhələyə yüksələ bilər”, - Məstəliyev bildirib.
Ekspertin sözlərinə görə, Bakıya gələcək “Lion” çox güclü komandadır:
“Lion” böyük tarixə malik, özünəməxsus oyun tərzi ilə fərqlənən komandadır. “Bodo Glimt" də son illərdə uğurlu çıxışları ilə yadda qalıb. "Ayaks", “Lion”, "Olimpiakos" ilə matçlar xüsusilə çətin olacaq. Digərləri də asan komandalar deyil. Çox möhkəm, heç bir oyunda rahatlaşa bilməyəcəyimiz komandalarla üz-üzə gələcəyik. Amma “Qarabağ”ın bundan da çətin rəqibləri olub və öhdəsindən gəlməyi bacarıb. Ona görə də “Qarabağ”a inanmalıyıq”.
Tarix
2024.08.30 / 17:52
|
Müəllif
Didəm Qədirova
|