Misli Premyer Liqasının XVII turunda “Neftçi” “Kəpəz” üzərində qələbə qazanıb.

Axar.az xəbər verir ki, “Neftçi Arena”da baş tutan görüş Bakı klubunun 2:1 hesablı qələbəsi ilə yekunlaşıb.

“Neftçi”nin heyətində Yeqor Boqomolski (4) və Filip Ozobiç (22) fərqlənib. Gəncə təmsilçisinin qolunu isə 77-ci dəqiqədə Orxan Əliyev rəqib qapısından keçirib.

Bu nəticədən sonra xallarının sayını 16-ya çatdıran "Neftçi" yeddinci pilləyə yüksəlib. "Kəpəz" isə 10 xalla doqquzuncu yerdə qərarlaşıb.

Qeyd edək ki, turun daha əvvəl keçirilən oyunlarında “Sabah” “Araz-Naxçıvan”ı 1:0 hesabı ilə məğlub edib. “Şamaxı” - “Səbail”, “Zirə” - “Turan Tovuz” görüşləri isə qolsuz bitib. XVII tura sabah Tofiq Bəhramov adına Respublika stadionunda baş tutacaq "Qarabağ" - "Sumqayıt" matçı ilə yekun vurulacaq.