Ötən gün Macarıstanın Baş naziri Viktor Orban Ukraynada “Milad atəşkəsi” ideyasını səsləndirib. Müəyyən bir formatda atəşkəs həqiqətən də müharibəni bitirmək üçün ilk addım ola bilər.

Axar.az xəbər verir ki, bunu Donald Trampın milli təhlükəsizlik üzrə müşavir təyin etməyi planlaşdırdığı konqresmen Maykl Uolts CBS Nyus telekanalına müsahibəsində deyib.

"Ümid edirəm ki, bütün dünya Ukraynanın şərqində baş verən qırğınların müəyyən qədər dayandırılmasını istəyəcək. Bu, Birinci Dünya müharibəsi üslubunda bir müharibədir. Bu, insanların ətçəkən maşınıdır. Prezident Tramp baş verən qırğından çox narahatdır. Savaşı dayandırmalıyıq", - o bildirib.