UEFA-nın "Qalatasaray"la bağlı paylaşımı bu klubun əzəli rəqibi olan "Fənərbağça" azarkeşlərinin narazılığına səbəb olub.

Axar.az Qol.az-a istinadən xəbər verir ki, UEFA-nın Avropa Liqasının rəsmi sosial media hesabında "Qalatasaray"ın futbolçusu Yunus Akgünün şəkli "Yenilməz və Türkiyə Superliqasının zirvəsində" sözləri ilə paylaşılıb.

Bundan sonra "Fənərbağça"lı azarkeşlər həmin paylaşıma yazdıqları yüzlərlə şərhlə etirazlarını bildiriblər.

"Fənərbaxça" azarkeşlərinin təzyiqindən sonra UEFA daha bir paylaşım edib. "Qalatasaray"la bağlı postdan təxminən 1.30 saat sonra qitənin ali futbol qurumunun səhifəsi bu dəfə "Fənərbağça"nın futbolçusu Yussef En-Nesrinin şəklini paylaşıb.

Qeyd edək ki, bu mövsüm həm "Qalatasaray", həm də "Fənərbağça" UEFA Avropa Liqası yarışında iştirak edir.