İsveçrə Məhkəməsi yanvarın 1-də yanğın nəticəsində 40 nəfərin öldüyü Krans-Montana kurortundakı bar sahibinin 200.000 frank (254.000 dollar) girov müqabilində azadlığa buraxılması barədə qərar qəbul edib.

Axar.az Teleqraf-a istinadən xəbər verir ki, bu barədə məhkəmənin açıqlamasında bildirilib.

Bar sahibinin ölkədən çıxışı qadağandır. Onun bütün sənədləri prokurorluğa təqdim edilib və o, monitorinq üçün hər gün polis bölməsinə gəlməlidir.

Qeyd edək ki, yanvarın 1-nə keçən gecə İsveçrənin mərkəzindəki məşhur xizək kurortu Krans-Montanadakı "Le Constellation" barında yanğın baş verib. Nəticədə 40 nəfər ölüb, 116 nəfər yaralanıb.