Rusiyalı UFC döyüşçüsü Həbib Nurməhəmmədov ABŞ-da stüardessa ilə mübahisə etdikdən sonra təyyarədən endirilib.

Axar.az xəbər verir ki, bu barədə “Baza” Teleqram kanalı məlumat yayıb.

Məlumata görə, idmançı qəza çıxışının yanında oturub. Təyyarə bələdçisi ondan qəza zamanı sərnişinlərə kömək etməyə hazır olub-olmadığını soruşub. Bu zaman onların arasında mübahisə başlayıb.

Bələdçi Nurməhəmmədova başqa yer təklif edib, bildirib ki, əks təqdirdə supervayzeri çağırmalı olacaq.

Kanal bildirib ki, UFC döyüşçüsü ikinci variantı seçib və məğlub olub. Supervayzerlə qısa söhbətdən sonra Həbib Nurməhəmmədov və yanında olan dostları təyyarədən çıxarılıblar.