İllərdir ki, biz dünyanın böyük dövlətləri və onların regional müvəkkilləri ilə genişmiqyaslı döyüşlərə və hətta uzunmüddətli qarşıdurmalara hazırlaşırıq.

Axar.az xəbər verir ki, bu sözləri İran İslam İnqilabı Keşikçiləri Korpusunun (SEPAH) komandanı, general-mayor Hüseyn Salami SEPAH Aerokosmik Qüvvələrinin qərargahında çıxışı zamanı deyib.

Salami bildirib ki, İran raketləri hər keçən gün keyfiyyət, kəmiyyət və dizayn baxımından təkmilləşir və ölkənin hər yerində raket və raket sistemlərinin sayı artır:

“Bu gün siz ardıcıl dalğalarda eyni vaxtda yüzlərlə təyyarəni vura bilərsiniz. İran öz müstəqilliyini, kimliyini və nüfuzunu qorumaq üçün heç vaxt heç bir xarici gücə arxalanmayıb”.