Mahirlə çox gözəl söhbətlərimiz oldu. Çünki mənim özümün də orucluq müddətində içməyən, yeməyən çoxlu komanda yoldaşım var idi.

Axar.az xəbər verir ki, bunu “Nürnberq”in baş məşqçisi Miroslav Kloze futbolçusu, Azərbaycan millisinin üzvü Mahir Emreli haqqında danışarkən deyib.

“Məşqçi kimi belə məsələlərdə çox diqqətli olmalıyam. Amma bəli, o çalışır və mən bunu gizlətmirəm. Mahir oruc tutmağa çox ciddi riayət edir. Yalnız oyun günlərində oruc tutmur. Lakin sonra bu günlərin əvəzinə oruc tutacaq”, - baş məşqçi bildirib.

Qeyd edək ki, ötən ilin yayında "Nürnberq"ə keçən Mahir Emreli bu müddət ərzində 16 matça çıxıb. 4 qol vurub və 1 qolun ötürməsini verib. O, son vaxtlar komandanın əsas heyətinə düşməkdə çətinlik çəkir.