Rumıniyanın nüfuzlu kütləvi informasiya vasitələri Azərbaycanda keçirilən Formula-1 Avropa Qran-prisini böyük uğur hesab edir.

Axar.az xəbər verir ki, yazılarda Azərbaycanın tarixində Bakıda ilk dəfə Formula-1 Avropa Qran-prisinin keçirilməsindən bəhs edilir, iştirakçıların müsahibələri, pilotların mübarizə apardığı Bakı trekindən ətraflı bəhs olunur.

"Automarket", "Autostiri", "Oricesport", "Pitstop" onlayn avtoidman xəbər portalları, "Agerpres" milli xəbər agentliyi, "Romania Libera" qəzeti, "DİGİ sport" televiziya kanalı yarış haqqında operativ məlumatlar yayıb. Yazılarda oxucular qalib idmançılar barədə məlumatlandırılıb, yarışın yüksək səviyyədə keçirildiyi vurğulanıb.