Azərbaycan Respublikasının Maliyyə Bazarlarına Nəzarət Palatası (Palata) AZRUSTANRANS QSC-nin hər birinin nominal dəyəri 1 manat olan 150000 ədəd adi sənədsiz səhmlərini ilkin buraxılışı AZ1001019939 qeydiyyat nömrəsi ilə dövlət qeydiyyatına alıb. Səhmlərin qapalı yerləşdirmə üsulu ilə yerləşdirilməsi nəzərdə tutulub.

Palatadan Axar.az-a verilən məlumata görə, qurum həmçinin 06 oktyabr tarixində MKT İSTEHSALAT KOMMERSİYA MMC-nin hər birinin nominal dəyəri 1000 ABŞ dolları olan 20000 ədəd faizli təmin edilməmiş istiqrazları dövlət qeydiyyatına alıb.

Qeyd edək ki, istiqrazların tədavül müddəti 24 ay, illik gəlirlik dərəcəsi 6% kimi müəyyən edilib.