2018-ci ilin sonunda dünyanın ümumi borcu 66 trilyon dollara çatıb.

Axar.az xəbər verir ki, bu məlumatı “Fitç” beynəlxalq reytinq agentliyi yayıb. Məlumata görə, dünyanın borcu qlobal ümumdaxili məhsulun 80%-nə çatıb. Beləliklə, dünyanın borcu 2007-ci ilin göstəriciləri ilə müqayisədə 2 dəfə artıb.

“Fitç” hazırda dünyanın ən çox dövlət borcu olan ölkələrin ABŞ (21 trilyon dollar), Yaponiya (12 trilyon) və Çin (6 trilyon) olduğunu vurğulayıb. Agentlik 2012-ci ildən bu yana inkişaf etmiş ölkələrin borcluluq səviyyəsinin stabil vəziyyətdə qaldığı və təxminən 50 trilyon dollar təşkil etdiyini bildirib. İnkişafda olan ölkələrin borcu isə bu dövr ərzində 10 trilyon dollardan 15 trilyon dollara qədər yüksəldiyi açıqlanıb.