OPEK və qeyri-OPEK ölkələri Nazirlərinin Birgə Monitorinq Komitəsinin iclasının Bakıda keçirilməsi Azərbaycan üçün müsbət haldır, çünki OPEK dünya neft bazarında əsas oyunçudur.

Axar.az xəbər verir ki, bu barədə Trend-ə açıqlamasında ukraynalı ekspert Aleksandr Oxrimenko deyib.

A.Oxrimenko bildirib ki, Azərbaycan dövlətinin OPEK+ formatının hazırlanmasında təşəbbüsü və iştirakı ölkə üçün müsbət amildir:

"Hələ ki, OPEK dünya neft bazarında əsas oyunçudur və orada əsas rolu Səudiyyə Ərəbistanı və digər ərəb ölkələri oynayır. Lakin dünya dəyişir. Əgər əvvəllər ABŞ neftin əsas alıcısı idisə, indi dünyada enerji resurslarının əsas satıcısına çevrilir. Faktiki olaraq ABŞ OPEK ilə rəqabət aparır və istisna olunmur ki, gələcəkdə belə mürəkkəb şəraitdə OPEK-in dünya neft bazarında rolu azalacaq. Ona görə də mən hətta OPEK-in yenilənməsini istisna etməzdim".

Ekspert hesab edir ki, Azərbaycana yaranmış vəziyyətdə həm ABŞ, həm də OPEK ilə daha sıx əməkdaşlıq etmək lazımdır.

Onun fikrincə, Azərbaycan həm OPEK-in, həm ABŞ-ın, həm də sərt rəqabətin olacağı yeni neft bazarında özünə yer tapmalıdır.