Ana səhifə İqtisadiyyat |
Əmək və Əhalinin Sosial Müdafiəsi Nazirliyində Asiya İnkişaf Bankının Bakıda olan nümayəndələri ilə görüş olub.
Nazirlikdən Axar.az-a verilən məlumata görə, bu gün baş tutan görüşün məqsədi AİB tərəfindən Azərbaycanda Dövlət Şəhərsalmanın Qiymətləndirilməsi üzrə aparılan işlərlə bağlı məsləhətləşmələrin aparılması olub.
Nazir müavini İlqar Rəhimov Azərbaycanla AİB arasında əməkdaşlığın inkişafından söz açaraq, bu əməkdaşlığın mühüm infrastruktur layihələrinin icrasına önəmli töhfələr verdiyini vurğulayıb.
AİB-in nümayəndə heyətinin üzvü Kolin Arnot ötən dövrdə AİB və Azərbaycanın birgə layihələrdə əldə etdiyi müsbət iş təcrübəsinin Dövlət Şəhərsalmanın Qiymətləndirilməsi işlərinin uğurla aparılması üçün əsas olduğunu qeyd edib.
Görüşdə Azərbaycanda Dövlət Şəhərsalmanın Qiymətləndirilməsi üzrə aparılan işlərin əlilliyi olan şəxslərlə bağlı prioritetləri, şəhər infrastrukturunda belə insanların gündəlik tələbatlarının nəzərə alınması və s. məsələlər müzakirə olunub.
Tarix
2014.12.11 / 13:31
|
Müəllif
Nigar İxtiyarqızı
|