"Qazprom" rəhbəri Aleksandr Millerlə "Lukoyl" şirkətinin rəhbəri Vahid Ələkbərov birgə fəaliyyəti müzakirə ediblər.

Axar.az xəbər verir ki, görüş zamanı qazın nəqli ilə bağlı güclü qurğuların tikilişi də müzakirə edilib. Mətbuat görüşün dekabrın 12-də keçirildiyini, lakin mətbuata yalnız indi məlumat sızdırıldığını bildirib. Görüşdə hər iki şirkətə aid olan müxtəlif neft emalı zavodlarında neftin birgə emalı ilə bağlı qərarlar qəbul edilib.

Qeyd edək ki, "Lukoyl" və "Qazprom" arasında strateji partnyorluq haqqında müqavilə var. Onun fəaliyyəti 10 il üçün nəzərdə tutulub və 2014-cü ildə başlayıb.