Rusiyanın ən böyük neft şirkəti olan "Rosneft" 2015-ci il büdcəsində neftin bir barelini 50 dollardan hesablayıb.

Axar.az xəbər verir ki, Prezident Putinlə görüşən şirkət başçısı İqor Seçin jurnalistlərə verdiyi açıqlamasında 2014-cü ildə 93 milyard dollarlıq satış reallaşdırdıqlarını açıqlayıb.

2015-ci il üçün maksimum ixtisarlar planlaşdırdıqlarını deyən Seçin bir bareli 50 dollardan hesabladıqlarını deyib:

"Büdcə planlaşdırılması zamanı neftin barel qiymətini 50 dollar olaraq planlaşdırdıq. Uzaq Şərqdə Maqadansk bölgəsindəki istehsalımız işimizi asanlaşdıracaq. 2016-cı ildə tərəfdaşlarla birlikdə iki əhəmiyyətli sahədə istehsal başlayır".

Rosneftin 2014-cü ildə 205 milyon ton neft və 60 milyard kubmetr təbii qaz istehsal etdiyini deyən Seçin bir il ərzində istehsalın 4,6 dəfə artırıldığını qeyd edib:

"Neft qiymətləri ilin ikinci yarısında həddindən artıq düşsə də, hədəflərimizə çatmışıq. Ümumilikdə 252 milyon tonluq karbohidrogen istehsalı 2013-cü illə müqayisədə 4,6 faiz artıb.