Yuxarı

Neft Fondunun qızıl ehtiyatı nə qədərdir?

Ana səhifə İqtisadiyyat
12 Punto 14 Punto 16 Punto 18 Punto

"Qızıl sikkələrin alışı 40%, birja fondları üçün qızıl isə 5,5 dəfə azalıb".

Axar.az xəbər verir ki, bunu iqtisadçı ekspert Samir Əliyev öz Feysbuk səhifəsində qeyd edib.

O, Mərkəzi Bankların ötən il qızıl alışının 17% artdığını bildirib:

"Dünya Qızıl Şurasının son hesabatına əsasən, 2014-cü ildə qızıla olan qlobal tələbat 4% azalaraq 3924 tona düşüb. Halbuki, 2013-cü ildə qızıl alışı 4088 ton olub. Bu, 2009-cu ildən bəri ən aşağı göstəricidir. Azalma bütün kateqoriyadan olan qızıl məmulatlarında müşahidə edilib. Yeganə olaraq Mərkəzi banklar qızıl tələbatına dəstək veriblər. Qızılın əsas komponenti olan zərgərlik məmulatlarına tələbat 10% azalaraq 2153 ton olub. Qızıl sikkələrin alışı 40%, birja fondları üçün qızıl isə 5,5 dəfə azalıb.

Mərkəzi Bankların qızıl alışı ötən il 17% artıb. Ümumilikdə banklar tərəfindən 477,2 ton qızıl alınıb ki, bu da son 50 ildə 2012-ci ilin nəticələrindən (544 ton) sonra ikinci ən yüksək göstəricidir. Qızılın əsas alıcıları MDB ölkələri, o cümlədən Azərbaycan olub. Ən böyük alıcı olan Rusiya 173 ton qızıla sahib olub. Qazaxıstan 48 ton, Azərbaycan isə 10 ton qızıl alaraq ehtiyatlarına daxil edib. İraq da 48 ton qızıl alıb. Ukrayna Mərkəzi Bankı isə iqtisadi böhranla mübarizə çərçivəsində qızıl ehtiyatının 44%-ni satmaqla 24 tona endirib.

Tələbatın azalmasına səbəb dünyanın əsas qızıl istehlakçı dövlətləri olan Çin və Hindistanda tələbatın azalması olub. Hindistanda zərgərlik qızılları 8% artsa da, Çində 33% azalıb. Əvəzində hər iki ölkədə sikkə qızılları 50% azalıb.

Ötən il qızılın qiymətində ilboyu kəskin qeyri-sabitlik olsa da, sonda ilin əvvəlindəki səviyyədə - 1200 dollar həddində qalıb. Bu il isə yanvarın sonlarına qədər 1300 dollar həddində bahalaşan qızıl sonradan 1222 dollara qədər ucuzlaşıb.

Azərbaycan Mərkəzi Bankı ötən il 10 ton qızıl alaraq ehtiyatlarına daxil edib. Dövlət Neft Fondunun ehtiyatlarında isə 30 tondan çox qızıl var və aktivlərdə payı 3.1%-dir. Qızılın dəyəri 1 milyard 150 milyon dollar məbləğində qiymətləndirilir. 2014-cü ildə Neft Fondu qızıl alışı həyata keçirməyib".

Tarix
2015.02.13 / 13:57
Müəllif
Ülkər Cəfərova
Digər xəbərlər

Trampla Putinin danışığının əsasını onlar qoydu - Revenko

Putin Trampa söz verdi: Hazıram!

Tramp Putinlə danışığı haqda yazdı: Moskvaya gəlir!

Tramp telefon danışığında sülh istədi – Putinin cavabı

Putin Trampa daha bir hədiyyə göndərməyə hazırlaşır

Azərbaycandan öyrənəcəyimiz sahələr... - Mahmud

Bu səfər, sadəcə, diplomatik əməkdaşlıq deyil - Mahmud

Arxalanacağımız dostlara malik olmaq çox vacibdir - Prezident

Somali ilə sıx dostluq münasibətlərində yeni səhifə...

Prezidentlər mətbuata bəyanatlarla çıxış etdi - Foto

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla