Axar.az
Yuxarı

Məşhur milyonçu Bakıda: Uğurun sirri – Müsahibə

Ana səhifə İqtisadiyyat
12 Punto 14 Punto 16 Punto 18 Punto

Parisdə doğulub-böyümüş və İsveçrədə Les Roçesda təhsil almış italyan Teodor Çaroy Londonun ən gənc milyonçularından biridir. "For Sizıns" otelində "Beynəlxalq biznesi necə qurmalı?" mövzusu ilə çıxış edən gənc iş adamı suallarımızı cavablandırıb.

Məşhur italyan milyonçu Teodor Çaroyun Axar.az-a verdiyi müsahibəni təqdim edirik:

Xəyal qurmağı bacarmaq lazımdır

– Dünyada beynəlxalq biznes sahəsində uğur qazanan ən gənc varlılardan birisiniz. Uğurunuzun sirri nədədir?

– Uğurumun sirri iddialı, realist deyil, xəyalpərəst, romantik olmağımdadır. Hər şeydən əvvəl planlaşdırmağı deyil, xəyal qurmağı bacarmaq lazımdır.

– Demək istəyirsiniz ki, bütün qazandıqlarınızı təxəyyülünüzə borclusunuz?

– Elədir ki var. Hər şeydən əvvəl hirsi və qətiyyəti kənara qoyub, gülümsəyərək arzulamaq lazımdır.

– Bildiyimə görə, hazırda sahib olduğunuz biznesdə ailə üzvlərinizin və yaxınlarınızın sizə heç bir köməyi olmayıb. Necə başladınız?

– Bilirsiniz, məsələ burasındadır ki, hazırda biznes qurucuları quracaqları biznesin planını tələm-tələsik bir aya həll edib, işə başlayırlar. Mən isə layihəmi bir ilə hazırlamışam, 365 gün düşünmüşəm. Yalnız bir ildən sonra layihəmi dəstəkləyəcək insanlar axtarmağa başlamışam.

Uğurun sirri işini sevməkdədir

– Söhbət maliyyə dəstəyindən gedir?

– Gülməlisi də odur ki, maliyyə dəstəyi axtarmaq ən son görüləcək işdir. Əlbəttə, bu sənin biznesinin istiqamətindən də asılıdır, amma əvvəlcə layihəyə mütəxəssisləri cəlb etmək şərtdir.

– Yanılmıramsa, sizin beynəlxalq biznesiniz restoran şəbəkələrindən ibarətdir. Müasir dünyada sözügedən şəbəkədə bu qədər ciddi rəqabət olduğu halda öz təklifinizi necə bəyəndirdiniz?

– Uğurun sirri işini sevməkdə, ona inanmaqda və ətrafına – böyük hərflərlə qeyd edirəm - bu sahənin mütəxəssislərini cəlb etməkdir.

– Bütün bu dediyiniz proses nə qədər vaxtınızı aldı?

– Dizaynerlərin, arxitektorların, sponsorların, ixtisaslaşmış mütəxəssislərin, veb-sayt professionallarının, PR menecerlərin cəlb olunması və işə qoyulması 8 ayımı aldı. Apreldə işə başladıq, yanvarda isə artıq müştərilərə xidmət göstərməyə hazır idik.

İnsanlara yalanı bir ildən çox sata bilməzsən

– Şəbəkələrinizin digər alternativlərdən üstün cəhəti nədən ibarətdir?

– Əgər seçdiyiniz sektor xidmət sektorudursa, siz empati ilə yaşamağa məcbursunuz. Məkana daxil olduqda nələri görmək, hansı personalla qarşılaşmaq, hansı qablarda nahar etmək və nə yemək istəyərdinizsə, seçiminizi bunların üzərində qurmalısınız. Mənim beynəlxalq biznesimin sirri onun həddən artıq təbii və səmimi olmasındadır. İnsanlara yalanı bir ildən çox sata bilməzsən.

– Ölkəmizdə "For Sizıns" otelində fəxri qonaq kimi gənclərin önündə çıxış etdiniz. Azərbaycanlılarla ünsiyyət sizdə nə təəssürat oyatdı?

– Bilmirəm, bu yaxşıdır, ya pis, amma mənə verilən suallardan və konfransdan sonra mənə yaxınlaşan gənclərin söhbətlərindən gəldiyim nəticə budur ki, sizin xalqınız olduqca sadəlövhdür.

– Elə bir sual oldu ki, marağınızı cəlb etsin?

– Əlbəttə! Konfransdan sonra mənə yaxınlaşıb, evli olub-olmadığımı soruşan xanımın sualı məni çox güldürdü.

İçərişəhər məni valeh etdi

– Bakının ən məşhur yerlərini gəzdiniz. Paytaxt haqqında müəyyən təsəvvürünüz yarandımı?

– Düzü, bunu demək nə dərəcədə doğrudur, bilmirəm, amma biznesmenlərinizin qeyri-peşəkar olduğu qənaətindəyəm.

– Bu iddianızı nə ilə əsaslandırarsınız?

– Ətrafınıza baxın. İki-üç saat ərzində onlarla bağlanmış restoran, mağaza, market önündən keçdik. Əgər sahibkarlarınız professional olsaydı, onlar uğursuzluğa düçar olmazdı.

– Paytaxt haqqında yaranan yeganə təsəvvürünüz budur?

– Əlbəttə yox. Şəhəriniz həddən artıq gözəldir. Bakının mərkəzi küçələri Avropanın ən öndəgedən paytaxtları ilə müqayisə olunacaq səviyyədədir. Sizə sual vermək istərdim ki, digər bölgələriniz də bu qədər mükəmməldirmi? İçərişəhər adlandırdığınız tarixi məkan və oranın özünəməxsus mədəniyyəti valehedicidir. Hətta mən oradan ailə üzvlərim üçün dünyanın heç bir yerində tapa bilməyəcəyimə inandığım hədiyyələr aldım.

Uğur qazanmaq sizin öz əlinizdədir

– Maraqlıdır, hədiyyə seçimləriniz nədən ibarət oldu?

– Bir neçə tarixi xalça, bacılarım üçün şərf və bir neçə aksesuar.

– Son olaraq, öz biznesini qurmaq istəyən gənclərə hansı tövsiyəni verə bilərsiniz?

– Mənim yeganə tövsiyəm o ola bilər ki, arzulamaqdan qorxmayın. Ağlınıza gələ bilməyəcək dərəcədə böyük uğurlar qazanmaq sizin öz əlinizdədir. Azərbaycan gəncliyinə demək istəyirəm ki, müasirlərinin səhvlərini təkrarlayıb tələskənlik etməsinlər.

Tarix
2016.01.14 / 13:21
Müəllif
Rəfiqə Əlisəfa
Şərhlər
Memorial Zefer
Digər xəbərlər

"Brent" ucuzlaşdı, Bakı nefti bahalaşdı

Dövlət büdcəsində 2,5 milyard qalıq yarandı

ABB regionlarda rəqəmsal biznes təlimlərinə başladı

Bakı nefti 120 dollara qalxdı

Mərkəzi Bank büdcəyə 1 milyard köçürdü

Əhali ticarət şəbəkələrində nə qədər xərcləyib?

Neft yenidən ucuzlaşdı

Neft həftəni bu qiymətlə yekunlaşdırdı

Rusiyada inflyasiya son 20 ilin rekordunu qırdı

Azərbaycanda istehlak qiymətləri indeksi artdı

KULT
<>
Xəbər xətti
Axar.az'da reklam Bağla
Reklam
Bize yazin Bağla